KONTINGENTZIA PLANA

Arantzabela ikastolak 2021-2022 ikasturtean COVID-19a hedatzea saihestu nahian kontingentzia plan hau garatu du:

KONTINGENTZIA PLANA

Plan honen helburua kutsatzeko arriskuak kontrolpean izatea eta osasunerako segurtasun neurri handienekin ohiko jarduera bermatzea da. Hori lortzeko ezinbestekoa da langile guztien, ikasleen, gurasoen, legezko tutoreen eta hezkuntza prozesuan berarekin harremana duten pertsona guztien erantzukizuna.

SARRERAK ETA IRTEERAK

Haurrei eta nerabeei tratu ona emateko dekalogoa: hamar praktika on familian-hezkuntzan

AVAIM elkarteak lanean dihardu haur eta nerabeen eskubideak aldarrikatzeko, eta gizartean horiei buruzko kontzientzia sortzeko; orobat, kolektibo horrenganako tratu ona sustatzen du. 1996tik aurrera Haurtzaro eta Senitarte Zerbitzuarekin lankidetzan aritu da elkartea programa komunitarioen garapenean, eta 2002tik aurrera lankidetza-hitzarmena dauka Gasteizko Udalarekin. Hitzarmen horrek zenbait jarduera biltzen ditu, betiere Haur eta Nerabeen Eskubideei buruzko Hitzarmenean jasotako eskubideak sustatu eta garatzeko, eta haur-babesgabetasuna prebenitzeko alorretan.

Hauxe da hitzarmenak baitan hartzen duen proiektuetako bat: “Haurrei eta nerabeei tratu ona emateko dekalogoa: hamar praktika on familian-hezkuntzan dekalogoaren edizioa eta banaketa”.  Material horren egile dira CAVAS (Centro de Asistencia a Víctimas de Agresiones Sexuales y Prevención del Maltrato Infantil) eta FAPMI (Federación de Asociaciones para la Prevención del Maltrato Infantil).

Materiala Haurrei eta nerabeei tratu ona emateko dekalogoa hamar praktika on familia-hezkuntzan deitzen da, eta haren bitartez haur eta nerabeei tratu ona ematea sustatu nahi da. Aintzat hartuta familia umearen nortasuna sozializatu eta prestatzeko oinarrizko testuingurua dela, erreferentzia komunetatik abiatuta (halakoak baitira umeen beharrak), guraso bezala dugun zereginari buruz hausnartzeko aukera tresna garrantzitsua delakoan gaude.

 

FAMILIENTZAKO ORIENTABIDEAK

COVID-19ko pandemiak sortutako konfinamendu-egoerak eskolara eta familietara eramaten gaitu, ziurgabetasunez eta segurtasunik ezaz betetako esperientzia berriak bizitzera. Aldaketetara egokitzeko guztion ahalegina handia eta aintzatesgarria izaten ari da. Beharrezkoa da, halaber, egoera hori gure onena garatzeko aukera gisa bizitzea, eta, batez ere, gure seme-alabei esperientzia aldakorrei aurre egiten laguntzeko; izan ere, askotan, ez dago aurretiazko eta behin betiko irtenbiderik.

Hezkuntza Saila ahalegin handia egiten ari da eskola-jarduerak garatzen jarrai dezan behar diren neurriak abian jartzeko, eta aurkezten dizuegun dokumentu honek horretan lagundu nahi du

FAMILIENTZAKO ORIENTABIDEAK

 

KZ-guneekin laguntza-zerbitzu berria familientzat

Astelehenetik aurrera, martxoak 30, KZ-guneekin lotutako laguntza-zerbitzu berri bat eskaintzen hasiko da.


KZguneek herritarren zalantza teknologikoak argitzeko sistema-prozedura berria antolatu dute, zentroetan fisikoki egotea eskatzen ez duten baina zerbitzu hori behar duten erabiltzaileek erabiltzeko errazak diren kanalen bitartez. Beraz, arreta telefonoz edota posta elektronikoaren bidez izango da.


Zerbitzu honen lehentasunezko helburuetako bat izango da aholkularitza edo jarraibideak behar dituzten familiei laguntza ematea, beraien konpetentzia digitalak areagotzeko eta, horrela, beren seme-alabei lagundu ahal izateko, ikastetxeek egun ikasle guztiei bidaltzen dizkieten on_line zereginetan.


Zalantza teknologikoak ebazteko urrutiko zerbitzua ematen duten KZguneen ordutegiak eta harremanetarako modua kontsulta daiteke hemen.
Beste aldetik, eskuragarri zenbait tutorial errazak

Eskola-adineko Elikadura Osasungarrirako Gomendioen Gida

Elikadurak zeregin garrantzitsua du hainbat gaixotasunen prebentzioan. Eskola-garaian, sukaldaritza-gustuak garatzen dira, eta gure bizitza osoan lagunduko diguten elikadura ohiturak sortzen dira. 

Gida hau eskola adinean elikadura-ohitura osasungarriak sortzen eta finkatzen laguntzeko prestatu da. Mezuen erraztasuna eta argitasuna lehenesten saiatu da, edonork erabili ahal izan dezan, ezagutza espezializaturik eduki behar izan gabe. Espero dugu bere gomendioak aplikatu ahal izatea, bere eremu bakoitzean, bai eskola-menuen arduradunek, bai eskola-umeen familiek. 

Gida honen kopia elektronikoak esteka honetan eskura daitezke: https://bategin.alimentacionsaludable.eus/ 

 

Gidak 5 eskuliburu dauzka:

1. Elikadura osasungarria eskola adinean

2. Eskola adinerako aholku dietetikoak

3. Ikastetxeetako menuetarako aholku dietetikoak

4. Ikastetxeetako menuak osatzeko aholkuak

5. Eskola adineko elikadurarekin lotutako beste hainbat alderdi

 

BOOKTEGI


Booktegi plataforma digitala da nondik kalitatezko euskarazko liburuak deskargatzen diren dohainik. 

 

 

Booktegi.eus-en, mota guztietako euskarazko liburuak aurkituko dituzu.
Liburuak dohainik deskarga ditzakezu. Eta lagunei gomendatu.
Liburuak dohainik plazara ditzakezu,  baldintzak betez gero.
Harpidetzen bazara, azken liburuen berri jasoko duzu e-postaz.

Booktegiko leloa: 'Guztion liburuak, guztiontzat'.

BOOKTEGI

 

 

Plastikozko tapoiak

Jakinarazten dizuegu urriaren 1etik aurrera ALMAR FUNDAZIOArentzat (FRIEDRECHen ATAXIAren ikerketa) plastikozko tapoiak biltzen hasiko garela.


Laguntza eman ahal dugun bitartean ekimen honekin jarraituko dugu.


Zuen parte hartzea aldez aurretik eskertzen dugu.