6. mailakoen agurra

Heldu da 6. mailakoak agurtzeko eguna, zorte ona izan hastera zoazten bide berrian!

Musukoak

Gaurtik aurrera, egun bakoitzerako oihalezko musuko berrerabilgarri berri hauek erabiliko ditugu. Kontua da haur bakoitzak egunero dagokion koloreko maskara etxetik ekartzea (ez da esan beharrik garbi ekarri behar duela). Galtzen baditu, familia bakoitza arduratuko da berria erosteaz.  Maskaren higieneaz arduratuko zaretela espero dugu.

Musukoa eskuratu ez duzuenok, kudeaketa zuen esku geratzen da, baina higiene eta segurtasun neurriak mantentze aldera, gogoratu:

  1. 1. Ikasleek homologatutako musukoa ekarri behar dute.

  2. 2. Egunero aldatu edo garbitu behar da.

Asteburu on pasa... Salburuan!

Honekin batera Salburuko gizarte etxeko programazioa bidaltzen dizuegu. Programazioan aisialdirako jarduerak eskaintzen dira adin guztikoentzat  asteburuetan egiteko.


PROGRAMAZIOA

 

 

 

 

Euskaraldia Arantzabelan

Bideo honetan Ikastolako komunitate osoak Euskarari emandako bultzada  bildu dugu, Euskara maite dugulako eta bere erabilera sustatu nahi dugulako.

 

EUSKARAREN HAZIA GURE BIZIA

Dakizuen moduan, Euskararen Postontzia egon da Ikastolan egun hauetan, Euskararen alde familiartean idatzi dituzuen leloak jasotzeko. Mezu oso politak irakurri ditugu, oso aproposak, baina Ikastolako irakasle-taldeak eta Oihan Guraso Elkartearen Euskara Batzordeak guztien artean originalena aukeratu du. Lelo hori laster jolastokian egingo den muralean idatziko dugu. Mila esker zuen parte-hartzeagatik. Lan bikaina egin duzue!